Rêveberê bendava Duhokê, Ferhad Mihemed Tahir ij BasNewsê re got, hişkesaliyê bandorek xirab li ser bendava Duhokê daniye. Çavkaniya serekî ya ava bendavê, baran û şilî ye. Ji ber ku îsal baran pir kêm barî ava bendavê jî pir kêm bûye.

Ferhad Mihemed Tahir her wiha got, îsal tenê 2 milyon û 500 hezar metir kûp av ketiye nav bendavê. Mixabin asta niha ya ava bendavê kêmtirîn ast e li gorî 10 salên borî. Asta avê niha 15 metir û 37 santîm e û bi giştî 20 milyon metir kûp av tê de maye.

Bi gotina rêveberê bendava Duhokê, beşek ji ava bendavê bo vexwarinê hatiye bikaranîn û %10 wê jî bo çandiniyê bûye. Ji ber kêmbûna avê ew êdî nikarin avê berdin.