Serokê Dezgeha Xêrxwaziya Barzanî Mûsa Ehmed îro di konfernaseke rojnamevanî ya hevbeş ligel Konsulê Giştî yê Filistînê li Herêma Kurdistanê Nazmî Hizûrî de ragihand; “Dezgeha Xêrxwaziya Barzanî 14 ton derman û bijîşkî pizîşkî, 2500 selikên xwarinê, 200 selikên tenduristiyê û 200 kartonên cilûbergan dişîne Xezzeyê.”

Diyar kir jî, “Alîkariyên mirovî dê ji bo firokxaneya Ereb a li Misrê bên şandin û ji wir jî dê di deriyê sînorî yê Refahê derbas bibin, da ku bigihin gelê Xezzeyê.”

Mûsa Ehmed got: “Serok Barzanî tekezî li ser alîkariya bi xelkê Xezzeyê re kiriye. Ji roja 18-10-2023, bi Konsulê Filistînê û aliyên pêwendîdar li Xezze û navçeyên din ên şer re di pêwediyê de ne, ji bo şandina alîkariyên mirovî ji xelkê mexdûr re.”

Got jî: “Dezgeha Xêrxwaziya Barzanî nûneratiya peyama miletekî ji bo karên mirovî dike û di dema borî de jî tîmên Dezgeha Xêrxwaziya Barzanî di bûyerên diltezîn ên navçeyê de amade bûn û alîkariyên mirovî pêşkêşî xelkê mexdûr kirin.”

Ji aliyê xwe ve Konsulê Giştî yê Filistînê li Herêma Kurdistanê Nazmî Hizûrî ragihand: Em gelek spasiya alîkariyên mirovî yên Dezgeha Xêrxwaziya Barzanî dikin, ev ji bo me, ne nû û xerîb e.”

Hezûrî got: “Bi hezaran sivîl ku piraniya wan jin û zarok in hatine kuştin û bi dehhezaran kes jî koçber bûn. Nêzîkî nîv milyon Filistînî niha ji kêmbûna av û xwarinê dinalin in û ji xizmetên tenduristiyê û pêdiviyên rojane bêpar in.”