Koşka Spî ya Amerîkayê bi daxuyaniyekê pêwendiya telefonî ya Trump û Macron ragihand û got, her du serokan ji bo çareserkirina bi rêya dîyalogê ya kêşeyên navbera Hewlêr û Bexdayê li hev kirine.

​

Koşka Spî herwiha daye xuyakirin, di vê pêwendiya telefonî de, "her du serok li ser wê yekê li hev kirin, ku pêwîst e Hikûmeta Iraqê û Hikûmeta Herêma Kurdistanê bi gotûbêjê pirsgirêkên xwe çareser bikin."

Hêjayî bîrxistinê ye, 2'yê Kanûna 2017an şandeke Herêma Kurdistanê bi seroktiya Serokwezîr Nêçîrvan Barzanî û Cîgirê Serokwezîr Qûbad Talabanî li Koşka Elîze ji aliyê Serokê Fransayê Emmanuel Macron ve hatibûn pêşwazîkirin û li ser çareserkirina pirsgirêkên navbera hikûmeta Iraqê û herêma Kurdistanê hevdîtinek pêk anîbûn.