Li gor daxuyaniya DNO ku îro hatiye belavkirin, petrola ku ew berhem tîne, ji bo dabînkirina pêdiviyên navxweyî yên Iraq û Herêma Kurdistanê ye û bi buhayên kêmtir tê firotan.

DNO ya Norwêcî da zanîn, beşek ji hilberîna wê ji zeviya Tawkiye ye û ji meha borî dest pê kiriye bi bihayên kêmtir ji bo kompanyayên navxweyî tê firotan.

Da zanîn jî, ew rojane 40 hezar bermîlên petrol ji kêlgeha Tawkiye berhem tîne û beşek ji wê bi rêya tankeran difroşe kompanyayên navxweyî.

Rêvebirê DNO Bîjen Rehmanî got, her çend e ti hêviyek dubare destpêkirina hinardekirina petrolê bi boriyan nemaye, ew petrolê bi tankeran veguhezînin.

Kompanyaya petrolê ya DNO ya Norwêcî piştî 4 mehan ji rawestanê, dîsa dest bi hilberandina li kêlgeha petrolê ya Tawkiye kir û niha rojane 40 hezar bermîl petrol berhem tîne.