Li qezaya Berdereşê ya ser bi parêzgeha Duhokê ve termê kesekî di nava otomobîla wî de di rewşeke şewitî de hat dîtin. Li gor zanyariyên Rûdawê, temenê wî kesî 65 sal e û li pey xwe nameyek hiştiye.

Birêveberê Polîsê Berdereşê, Seidî Berzincî , “hêzên me li cihekî nêzîk navenda qezaya Berdereşê termeke şewitî di nava otomobîlekê de dîtine.”

Birêveberê Polîsê Berdereşê got, “Wî kesî li pey xwe nameyek hiştiye û di nameyê de hatiye nivîsandin ku wî ji ber nakokiyên bi zarokên xwe re xwe şewitandiye.”

Seidî Berzincî diyar kir, navê wî kesî Ebdulselam Îsmaîl, 65 salî û niştecihê qezaya Berdereşê ye.

Birêveberê Polîsê Berdereşê da xuyakirin, termê wî kesî bo pizîşkiya dadê ya Duhokê hatiye şandin û derbarê bûyerê de jî lêkolîn dest pê kiriye.