Rêvebirê Giştî yê Bazirganî di Wezareta Bazirganî û Pîşesazî de Newzad Şêx Kamil ji malpera Hikûmeta Herêma Kurdistanê re ragihand: Hinardekirina neneftî ya di sala 2022an de li gorî sala 2021ê, zêdetir bûye û gihîştiye 672 milyon û 767 hezar dolarî û qebareya hawerdekirinê jî 15 milyar û 403 milyon dolar bû.

Diyar kir jî, Wezareta Bazirganiyê di sala 2022an de 5 hezar û 204 moletên hawerdinê û 168 moletên hinardekirinê ji bo kelûpelên cûrbecûr ên çandinî û pîşesaziyê dane. Yek ji wan kelûpelên ku her sal tê dubarekirin, hawerdekirina otomobîlan e; Sala borî 105 hezar û 126 otombîl hatin hawerdekirina nava Herêma Kurdistanê.

Berhemên sereke yên ku sala borî ji aliyê Herêma Kurdistanê ve hatine hinardekirin ev in: Kanza, henar, duşava tematan, tehîn, simaq, duşavên curbecur, mirîşk, parçeyên yedek ji bo otomobîlên têkçûyî.

Ji bilî mijara pevguhertina bazirganiyê, çavdêriya bazirganiya navxweyî jî yek ji erkên Rêveberiya Çavdêriya Bazirganiyê bûye.

Berdevkê Wezareta Bazirganî û Pîşesazî Mardîn Ebûbekir Huseyîn got: Di çarçoveya çavdêriya Rêveberiya Çavdêriya Bazirganiyê ya sala borî de, ji bo parastina ewlekariya xwarekê û tenduristiya welatiyan, 448 hezar k.g kelûpelên ku dema wan derbas bûbûn hatin jinavbirin. Her wiha 1809 binpêkirinên bazirganiyê jî hatine kirin û di encamê de 281 cih hatin girtin û 329 milyon û 322 hezar dînar cezayê pereyan lê hatiye sepandin.

Yek ji stratejiyên aboriyê yên Kabîneya Nehem a Hikûmeta Herêma Kurdistanê, zêdekirina hinardekirina derve û zêdekirina bazirganiyê ye, ji bo vê mebestê jî bi berdewamî giringiyê dide sektorên çandinî, pîşesazî û bazirganiyê.