Wezareta Navxwe di daxuyaniyekê de bang li partî û hêzên siyasî kir ku beşdarî kampanyayên hişyarkirina welatiyan bibin û endamên wan ne di rewşên gelekî pêwîst de be, çekan li malên xwe nehewînin û çekên qaçax jî hilnegirin.

Di daxuyaniyê de hat gotin,hebûna çekan di her malekê de şansê tundî û tawanan û çareserkirina pirsgirêkên biçûk jî bi tundûtûjiyê zêde dike. Ji ber vê yekê, eger hebûna çekan ji bo ewlekariya welatiyan û endamên malbatên wan ne pêwîst be, ne guncaw e çek di malan de hebin.

Wezareta Navxwe dibêje, endam û alîgirên partiya yên ku çekên wan hene, li gorî qanûn û rênîşanderan tevbigerin.

Her wiha dixwaz kir jî ku kenalên medyayî yên aliyên siyasî bikevin xizmeta proseya belavkirina hişyariyê û welatiyan han bidin ku nakokiyan bi riya dadgeh û pêwendiyên civakî û bi guftûgoyan çareser bikin û berê xwe nedin çek û tundûtûjiyê.

endaman agahdar bikin û ji we daxwaz dikin ku kanalên xwe yên medyayî ji bo belavkirina hişmendiya tundûtûjiyê bikar bînin da ku hemwelatiyên xwe bi riya dadgeh, têkiliyên civakî û diyalogê çareser bikin û çek û tundûtûjiyê nekin.

Wezareta Navxwe bang li aliyên siyasî kir ku bi ti awayî çek û kelaşînkovan weke diyarî nedin endam û alîgirên xwe.

Wezareta Navxweyî got ku pêkanîna van gavan dê jîngeheke baştir ji civaka Kurdistanê re ji bo kontrolkirina çekan û kêmkirina diyardeya şerê çekdarî çêbike.