Piştî meha borî fermangeha tenduristiya Kerkûkê nivîsek ji bo qedexe kirina zimanî kurdî ji bo tabloyên moleta fermî ya tenduristiyê ji bo dukan û kargehan derxist, careke din nivîsek ji bo sektora tenduristiya qeza Dûbiz hat şandin ku tabloyên moleta fermî ya dukan û kargehan tenê bi zimanê erebî bikarbînin.

Li gor nivîsa fermangeha tenduristiya Kerkûkê, ku îmzaya rêveberê giştî yê fermangehê Nebîl Hemdî li ser e û ji bo ofîsa tenduristiya qeza Dûbiz a ser bi parêzgeha Kerkûkê hatiye şandin, ku ji bo tabloyên moleta tenduristiya dukan û kargehan tene bi zimanê erebî bê nivîsandin.

Meha borî jî nivîsekî wisa ji fermangeha tenduristiya Kerkûkê bi heman armancê ji sektora tenduristiyê re hatibû şandin û naha bi heman awayî nivîs ji bo qedexe kirina zimanê kurdî hatiye şandin ku tene bi zimanê erebî di wan tabloyên ku nav cîhên kar tên helawîstin hebe û moleta tenduristiyê tenê bi zimanê erebî divê bê nivîsandin.

Piştî xiyaneta 16ê cotmeha 2017ê peywira rêveberiya giştî ya fermangeha tenduristiya Kerkûkê ji kurdan hat standin û ji kesekî ereb re hate dayîn. Piştre jî ew peywir ji kesekî tirkmen û ser bi milîsên Heşdî Şeibî re hate dayîn.