Konsulê Brîtanyayê David Hunt K24'de ragihand: “Di wê serdanê de gelek mijarên girîng hatin behskirin û armanca wê nexşandina siberoja pêwendiyên Brîtanya û Herêma Kurdistanê ye.”

David Hunt destnîşan kir: “Pêwendiya Brîtanyayê ligel Herêma Kurdistanê her dem pêwendiyeke nêzîk û dîrokî û kûr bûye, herwiha pêwendiyeke berdewam e. Serdana hefteya borî ya şanda Hikûmeta Herêma Kurdistanê gelek girîng û erênî bû.”

Hunt tekez kir: “Gotûbêjên ligel serokwezîrê welatê min û rayedarên payebilind ên hikûmeta Brîtanyayê gelek girîng ûn, wê daxwaz û nêrîna hevbeş îsbat dike ku em dixwazin bi hev re ji aliyê bazirganî û asayîş û warên din ve, gelek karên baştir bikin.”

Hefteya borî, Serokwezîrê Herêma Kurdistanê Mesrûr Barzanî serdaneke fermî bo welatê Brîtanyayê kir û ligel Serokwezîrê Brîtanyayê Boris Johnson, hejmarek wezîr û rayedarên payebilind civîn encam dan û li ser mijar û pirsên cihê girîngiya herdu aliyan gotûbêj kirin.