Di hevdîtinê de Konsulê nû yê Tirkiyeyê li Hewlêrê silavên Wezîrê Derve yê Tirkiyeyê gihandin Serok Barzanî û tekez li ser wê yekê kir ku welatê wî xwazyar e peywendiyên baş di warên cuda de bi Herêma Kurdistanê re hebin.

Di beşeke din a vê hevdîtinê de, her du aliyan behsa serdana Serok Barzanî ya ji bo Bexdayê kirin û Konsulsê Tirkiyeyê jî ew serdan bi dîrokî û bi bandor binav kir.

Her di vê hevdîtinê de, Serok Barzanî behsa sedemên serdana xwe ya hefteya borî ya bo Bexdayê kir û tekez kir ku hevtêgihîştin û diyalog di çarçoveya destûrê de, baştirîn rê ye ji bo çareserkirina pirsgirêkan. Herwiha hêviya serkeftinê ji konsulê nû yê Tirkiyeyê re xwast di erk karên wî de.

Rewşa siyasî û pêşhatên dawî yên Iraq û navçeyê, mijarên din ên gotûbêjên hevdîtinê bûn.