Şeva borî hêzên Dije-Terorê yên Silêmaniyê û Iraqê li bajarê Kelarê navenda Rêveberiya Xweser a Germiyanê li sînorê parêzgeha Silêmaniyê operasyonek hevbeş pêk anîn.

Dije Terora Silêmaniyê şeva Sêşemê 31ê Çileya 2023an daxuyaniyek belav kiriye û ragihandiye, di operasyonê de kesekî gumanbar bi tohmeta terorê hatiye desteserkirin.

Li gor daxuyaniyê, kesê desteserkirî xelkê parêzgeha Selahedîn a Iraqê ye û li gor madeya 4 a terorê hatiye desteserkirin û dê radestî dadgehê bê kirin.

Antî-Terora Silêmaniyê di 23’ê Çile de jî ragihandibû, di operasyonekê de li sînorê Rêveberiya Germiyan a Silêmaniyê “terorîstekî DAIŞê” desteser kirine.