Şêwirmendê Encûmena Asayîşa Herêma Kurdistanê birêz Mesrûr Barzanî di bernameya Çîrokên Şer a kanala Fox News a Amerîkayê re ragihand ku Kurdan ji bona û di cîha hemû cîhanê de qurbanî dan û xwîn rijandin.

Di bersiva pirseke pêşkeşvanê bernameya çîrokên şer a kanala Fox News derheqa "Kurd çi peyamekê bo rêveberiya nû ya Amerîkayê re dixwaze", Mesrûr Barzanî ragihand û got: ‘’Em daxwaz ji rêveberiya nû ya Amerîkayê dikin, qurbanî dana me kurdan li ber çav be.’’

Herweha Mesrur Barzanî gotina xwe berdewam kir û, "ji bo ew bîr û bawerî û nirxên ku xelkê Amerîkayê rêz lê digre me qurbanî dane" got.

Derbarê nêrînên herêma Kurdistanê yên derbarê azadî û demokrasî de jî got: ‘’Baweriya me bi azadî, demokrasî, rêz girtina mafê mirov, azadiya olî û pêkvejiyanê heye, ji bo wê jî giringe Amerîka piştevaniyê li herêma Kurdistanê bike.’’

Derbarê dostayetiya kurd û hêviya xelkê Kurdistanê ya bi Amerîkayê de jî Mesrûr Barzanî got: ‘’Gotineke kevin heye, ku dibêje kurd dervey çiya ti dostekî wan tuneye, ez hêvîdarim ji naha û pê de em bikarin bibêjin dervey çiya Amerîka jî dostê kurda ye.’’