Îro roja Yekşemê, 15ê Cotmeha 2023ê, Serokê Hikûmeta Herêma Kurdistanê, Mesrûr Barzanî, pêşwaziya Wezîrê Lawan û Werzişê yê Hikûmeta Federal, Ehmed Elmuberqe, kir.
Li gor ragehandineke Hikûmeta Herêma Kurdistanê, di wê hevdîtinê de, rewşa lawan li Îraqê û Herêma Kurdistanê û pêdivîtiya bihêzkirina arîkarî û hemahengiyan di navbera dezgehên peywendîdar ên Hikûmeta Herêma Kurdistanê û Hikûmeta Federal de hatin behskirin.
Amaje bi wê yekê jî kiriye, Mesrûr Barzanî tekez li ser giringiya pişkdarbûna Herêma Kurdistanê di çalakî û pehlewaniyên werzişî yên navdewletî de, û karkirina ji bo rêkxistin û kirina çalakî û pehlewaniyên navdewletî yên werzişî li Herêma Kurdistanê, bi hemahengiya dezgehên peywendîdar ên Hikûmeta Federal, kir.
Wezîrê Lawan û Werzişê yê Hikûmeta Federal hez û amadebûna xwe ji bo arîkariyên werzişî û pêşxistina hemahengiyê bi aliyên peywendîdar ên Hikûmeta Herêm re diyar kirin.
