Serokwezîr Mesrûr Barzanî di peyama xwe de diyar kir: “Ji bo parastina xak û giyanê hemû iraqiyan û bidawîanîna van binpêkirinan, pêwîstiya me bi hevahengiyeke zêdetir a navbera Hikûmeta Federal a Iraqê û Hikûmeta Herêma Kurdistanê û civaka navdewletî heye.”

Peyama Serokwezîr Mesrûr Barzanî wiha ye:

Bi navê Xwedayê mezin û dilovan

Xwişk û birayên Iraqî yên qedirgiran

Ez bi navê xwe û bi navê Hikûmeta Herêmê û gelê Kurdistanê, sersaxiyê li xwe û malbatên şehîdên karesata duh dikim. Ez ji Xwedayê mezin daxwaz dikim ku bi wan bi bihişta berîn şad bike û hêviya başbûna bilez ji bo birîndaran dixwazim û sebr û aramiyê bide malbatên wan.

Ji bo parastina xak û giyanê hemû iraqiyan û bidawîanîna van binpêkirinan, pêwîstiya me bi hevahengiyeke zêdetir a navbera Hikûmeta Federal a Iraqê û Hikûmeta Herêma Kurdistanê û civaka navdewletî heye.

Em ligel we ne û amade ne ji bo pêşkêşkirina her alîkariyek ji bo kêmkirina êş û janên we.