Di peyama Serokwezîr Mesrûr Barzanî de hatiye diyarkirin: “Di vê salvegerê de em tekezî li ser girîngiya hevahengî û xebata aliyên Kurdistanî dikin ji bo dakokîkirina li destkeftên niştimanî û mafên destûrî yên gelê Kurdistanê.”

Peyama pîrozbahiyê ya Serokwezîr Mesrûr Barzanî wiha ye:

Bi boneya 47emîn salvegera damezrandina Yekîtiya Niştimanî ya Kurdistanê (YNK), ez pîrozbahî li serkirdetî û endam û alîgirên YNKê dikim û hêviya serkeftinê ji wan re dixwazim ji bo xizmetkirina gelê Kurdistanê.

Ez hêvîdar im Yekîtiya Niştimanî ya Kurdistanê (YNK) weke beşdareke sereke ya li Hikûmeta Herêma Kurdistanê, ligel hêz û aliyên din ên Kurdistanê, piştevana bihêz a hikûmetê bin ji bo cîbicîkirina karnameya xwe, da ku bikare xizmeteke hêjayî xelkê Kurdistanê bike.

Di vê salvegerê de em tekezî li ser girîngiya hevahengî û xebata aliyên Kurdistanî dikin ji bo dakokîkirina li destkeftên niştimanî û mafên destûrî yên gelê Kurdistanê.

Mesrûr Barzanî

Serokwezîrê Herêma Kurdistanê