Di civînê de li ser rewşa giştî ya Iraqê û pêşvebirina pêwendiyên Herêma Kurdistanê û Amerîkayê gotûbêj hat kirin.

Herdu alî hevnêrîn bûn li ser girîngiya çareserkirina kêşeyên navbera Herêma Kurdistanê û Hikûmeta Federal bi awayekî bingehîn û li ser bingeha destûrê û rêkeftina aliyan ji bo pêkanîna hikûmetê û bernameya wezarî.

Serokwezîr Mesrûr Barzanî amaje bi wê yekê kir ku gotûbêj û danûstandina navbera Hikûmeta Herêmê û Hikûmeta Federal berdewam e ji bo gihîştina rêkeftina hemû alî û dadperwerane ya li ser hemû kêşeyan ku maf û heqên destûrî yên Herêma Kurdistanê dabîn bike û di berjewendiya hemû welatiyên Iraqê de be.

Çaksaziyên Wezareta Pêşmerge û cîbicîkirina rêkeftina Şingalê û zemînsaziya ji bo asayîkirina rewşa navçeyê û vegera awareyan bo cih û warên wan, mijarên din ên civînê bûn.