Serokwezîr Mesrûr Barzanî li rûpela xwe ya tora civakî “Facebook” belav kir, wî telefoneke telefonî ji Alîkarê Wezîrê Derve yê Amerîkayê bo Karûbarên Enerjiyê Geoffrey Pyatt wergirt û gotûbêj li ser pêşxistina peywendiyên dualî û dubare hinardekirina petrola Herêma Kurdistanê kirin.

Da zanîn jî: “Em li ser girîngiya çareserkirina kêşeyan û rakirina astengiyên li pêşiya hinardekirina petrola Herêma Kurdistanê di zûtirîn dem de hevnêrîn bûn, ji ber ku rawestandina wê zerereke mezin gihandiye bûdceya Iraqê.”

Serokwezîr Mesrûr Barzanî got jî: “Me tekezî li ser dabînkirina şayiste û mafên darayî yên Herêma Kurdistanê li gorî destûrê û rola giring a Herêmê di pêşxistina serxwebûna Iraqê di warê enerjî, geşepêdana aborî û aramiya navçeyê de kir.”

Ji aliyê xwe ve, Geoffrey Pyatt jî derbarê pêwendiya telefonî ya bi Serokwezîr Mesrûr Barzanî re, li hejmara xwe ya tora civakî “X” nivîsî: “Derengxistina hinardekirina petrola Herêma Kurdistanê, zêdetirî 25 milyar dolar zirar gihandiye aboriya Iraqê.”