Nêçîrvan Barzanî, Remezan li hemû misilmanên Kurdistan, Îraq û cihanê pîroz kir û got:

“Ez hêvîdar im ku Remezan bi xwe re aramiyê bîne û ji bo me hemûyan bibe meha xêr û xweşî û dilrehetiyê.”

Serokê Herêma Kurdistanê hêvî kir ku hemû alî ji peyamên Remezanê sûdê bibînin û ev meh ji bo tebayî, lebôrîn, xebata bihevre, aştî û niştimanê bibe derfetek.

Nêçîrvan Barzanî di dawiya peyama xwe de got, “Xwedayê mezin gelê me û welatê me biparêze û rojiya me qebûl bike.”

Wezareta Ewqaf û Karûbarên Ayînî ya Herêma Kurdistanê ragihandibû ku li Herêma Kurdistanê sibe rojî dest pê dike.