Li gorî daxuyaniyeke Serokatiya Herêma Kurdistanê, Serokê Herêma Kurdistanê Nêçîrvan Barzanî îro 20ê Tebaxê pêşwazî konsulê nû yê Brîtanya li Herêma Kurdistanê Andrew Beasley kir, pîrozbahî li destbikarbûna wî kir û hêviya serketinê jê re xwast û hemû piştî ji bo serxistina erkê wî nîşan da.
Ji aliyê xwe ve, Beasley kêfxweşiya xwe ji bo destnîşankirina wî weke Konsulê Giştî yê Brîtanya li Herêma Kurdistanê nîşan da û piştgirî û daxwaza Brîtanyayê ji bo pêşxistina peywendiyan û berfirehkirina hevkariyên hevbeş li gel Herêma Kurdistanê di hemû waran de tekez kir.
Di mijareke din a hevdîtinê de, her du aliyan proseya hilbijartinên Parlamentoya Kurdistanê giring binav kirin û hêvî xwastin ku proseya dengdanê bi serkeftî birêve biçe. Herwiha guftûgo derbarê peywendiyên Hewlêr-Bexdayê û pêşhatên dawî yên li herêmê de kirin.
