Cigirê serokê Parlamentoya Kurdistanê Hêmin Hewramî ragehand: ‘’Îro em bi amadebûna beşek ji serokên fraksiyonên Parlamentoya Kurdistanê ve, li serokatiya parlamentoyê ve radigehînin, îro em ji bo bicîh anîna xala heştem a 12 erkên parlamentoyê ku roja 15.10.2019ê bi dengên hemû parlamenterên Kurdistanê ve hate pejirandin, ku Parlamentoya Kurdistanê helmetekî niştimanî bo kom kirina alîkariyê ji xwîşk û birayên me yên li Rojavayê Kurdistanê ve ji ber rewşa nexwaş û êrîşên leşkerî yên li navçeya wan pêkhatiye û ji ber wê naçar mane berê xwe dane herêma Kurdistanê.’’

Hemin Hewramî got: ‘’Wek desteya serokatiya parlamentoyê em spasiya destpêşxeriya parlamenterên me yên birêz ên hemû fraksiyonan dikin, ku wek erkekî parlamenter ê mirovî û niştimanî ev helmet nav salona parlamentoya Kurdistanê de hat ragehandin.’’

Herwaha got: ‘’Vê helmetê de hemû parlamenter û fermanberên Kurdistanê beşdarin bo kom kirina alîkarî û piştevaniya madî bo hemû wan koçberên ku naha li herêma Kurdistanê ne bi giştî û bi taybet jî xwîşk û birayên koçber û penaber ên Rojavayê Kurdistanê ve hatine.’’