PSK'ê jiber biryara Hizba Demokrata Kurdistanê (HDK) û Hizba Demokrata Kurdistana Îranê (HDKÎ ku weke PDKÎ jî tê naskirin) ev gotin anîn ziman:

Bo Serokatiya Hizba Demokrata Kurdistana Îranê,

Hevalên tekoşer,

Mîzginiya we ya derberayê serketina proseya yekxistina rêfên demokratan dilê hemu dost û dilsojên tevgera azadixwaziya Kurdistana Rojhilatê, dilê hemu daykên şehidan û zindaniyên siyasî xweş, neyarên Kurd û Kurdistanê jî reş kir.

Em wekî partiyeka dost û bira bi çoş û kelecanê mezin ve pîrozbayiya xwe pêşkeşê we, bi rêka we ve pêşkeşê li Peşmergeyên agît, kadrên tekoşer û rêvîngen rêbaza Pêşava-Qasimlo-Şerefkendî dikin.

Em piştrastin ku paş mîzgîniya we sengerê Peşmergeyên Kurdistana Rojhilatê qehîmtîr, xebata gelê Kurd bo azadî û demokrasiyê berfirehtir dibe.

Em piştrast in ku yekxistina rêfên demokratan di bin banê Pêşava da, serketina xabata we nêziktir dibe.

Hevalên hêja,

Em carekî dinê destxweşiya we dikin.

Bi hestên biratiya ve, serketina we dixwazin.

Pîroz Be Yekxistina Rêfên Demokrat.