Jêderê Kurdistan24ê diyar kir, ligel Bexda û Tirkiyê pêşveçûn heye.

Herwiha destnîşan kir, girêbest ligel çar kompaniyên firotina petrolê hatiye kirin.

Behsa wê yekê jî kir ku ew girêbest bi hevbeşiya ligel Kompaniya Somo û Wezareta Samanên Sirûştî hatiye kirin.

Roja 4ê Nîsana 2023an, Serokwezîrê Herêma Kurdistanê Mesrûr Barzanî serdana Bexdayê kir û ji aliyê Serokwezîrê Iraqê Mihemed Şiya Sûdanî ve hat pêşwazîkirin, piştre bi amadebûna herdu aliyan, di merasîmekê de rêkeftina destpêkirina hinardekirina petrola Herêma Kurdistanê bi awayekî hevbeş, hat îmzekirin.