Îro baregeha Zlîkan a hêzên Tirkiyê li sînorê Şêxan a parêzgeha Dihokê rastî êrişa roketan hat.

Navenda Dijî Terorê ya Kurdistanê ragihand, “9 roket avêtin ser baregeha Zlîkan a li herêma Başîka ku artêşa Tirkiyê lê bi cih bûye.”

Navenda Dijî Terorê ya Kurdistanê ragihand, rokêtên ku hatine bikaranîn ji curê Grad in û li nêzîkî baregeha leşkerî ketine û ti ziyanên canî û madî çênebûne.

Li gor agahîyên ku hatine bidestxistin fuzeyên navborî ji qemyoneke di navbera gundên Faziliye û Kanune yên li ser sînorê herêma Başîka de hatin avêtin û bi bandora van fuzeyan wesayît şewitî.