Li gor daxuyaniya Baregeha Barzanî, di hevdîtinê de ku Konsulê Rûsya yê li Hewlêrê Maksîm Robîn jî amade bû, derbarê rewşa siyasî û guherîna hevkêşeyan de li ser asta cîhanî û herêmî, danûstandina fikr û ramanan hat kirin. Herwiha ronahî xistine ser proseya siyasî ya Iraqê û hewlên hikûmeta nû ya Iraqê ji bo derbasbûna zehmetî û astengiyan.

Herwiha hat ragihandin ku di vê hevdîtinê de rewşa navxwe ya Herêma Kurdistanê hat gotûbêjkirin û Serok Barzanî tekez kir ku ti cûre nakokiyên siyasî nabe bandora wê li ser encamdana hilbijartinan hebe û divê îsal hilbijartin li Herêma Kurdistanê birêve biçe.

Hat destnîşankirin ku di beşeke din a civînê de metirsiyên hizra tundrew û terorê hatiye axaftin û Serok Barzanî bal kişandiye ser wê yekê ku ferheng û bîr û baweriya xelkê Kurdistanê rê neda ku tundrewî û hizra terorê di civaka Kurdistanê de cih bigre.

Di dawiya daxuyaniyê de hat diyarkirin ku pêwendiyên navbera rûsya û Herêma Kurdistanê û Iraqê beşeke din a vê civînê bû.