Di hevdîtinê de, Balyozê Vatîkanê spasiya rola Serok Barzanî di hewlên bo bidestxistina aramî, parastina çanda pêkvejiyanê û parastina mafên pêkhateyên olî û etnîkî li Herêma Kurdistanê û Iraqê kir. Her wiha pêzanînên xwe hebû ji bo pêşwazîkirin û amadekariyên bo serdana Papa bo Herêma Kurdistanê hatine kirin, nîşan da û ew serdan bi dîrokî û giring binav kir.

Balyozê Vatîkanê amaje bi wê kir, tevî gelek pirsgirêk û kêşeyên li Îraqê hene, lê di gelek waran de jî pêşketin hene cihê dilxweşiyê ye û Herêma Kurdistanê û bi taybetî bajarê Hewlêrê bi nimûneya aramî û pêşketinê binav kir.

Her di heman hevdîtinê de, Serok Barzanî ji bilî amajepêdan bi girîngiya serdana Papayê Vatîkanê bo Herêma Kurdistanê û Iraqê, ragihand ku gelê me şanaziyê bi çanda pêkvejiyanê dike û divê ev çand were dewlemendkirin.

Serok Barzanî got jî, Kurdistan bi ciyawazî û rengerengiya xwe ciwan e û nabe bi ti awayî rêgirî li pêşiya pêkhateyan hebe ji bo rola xwe di jiyana siyasî û parlementoyê de bigirin.

Proseya siyasî ya Iraqê û peywendiyên Herêma Kurdistanê û Vatîkanê, mijarên din ên hevdîtinê bûn.