Di hevdîtinê de Serokê Herêma Kurdistanê Nêçîrvan Barzanî bi xêrhatin û pîrozbahî li Balyozê nû yê Yûnanê li Iraqê kir û piştevaniya xwe û ya Herêma Kurdistanê ji bo serkeftina erkê wî nîşan da.

Her du aliya tekezî li ser pêşxistina pêwendiyên Yûnanê ligel Iraq û Herêma Kurdistanê kirin, bi taybetî di warên perwerde, bazirganî, aborî û geştiyariyê de.

Ji aliyê xwe ve Balyozê Yûnanê sersamiya xwe li hember pêşketin û aramiya Herêma Kurdistanê nîşan da û tekez kir ku rola Herêma Kurdistanê ji bo aramiya Iraq û navçeyê, roleke girîng û cihê rêzê ye.

Çend mijarên din ên cihê giringiya her du aliyan, tewereke din a vê hevdîtinê bû ku Konsulê Giştî yê Yûnanê li Herêma Kurdistanê jî tê de amade bû.