Serokwezîrê Herêma Kurdistanê Mesrûr Barzanî di peyamekê de ragihand, bi mixabiniyeke mezin ve, Şêwirmendê Serokwezîr bo Karûbarên Enerjî û Çavkaniyên Sirûştî Dr. Bêwar Xinsî koça dawiyê kir.

Di peyamê de hat, “Dr. Bêwar di warê xwe de pisporekî gelek jêhatî, nivîskar û lêkolînerekî bi navûdeng û xwediyê gelek pirtûk û berhemên bi nirx di warê enerjî û petrolê de bû û di kar û erkên xwe de mînaka kesekî dilsoz û xemxur bû.”

Her wiha Serokwezîr Mesrûr Barzanî nivîsî: “Di vê boneya xemgîn de sersaxiyê ji malbata wî û hemû hevkar, dost û hevalên wî re dixwazim. Xwedêyê mihrîban giyanê wî bi bihuştê şad bike û serbir aramiyê bide me hemûyan.

Pisporê jiyologî û Şêwirmendê Serokwezîrê Herêma Kurdistanê Bêwar Xinsî duh 31ê Gulana 2923an ji ber krîza dil koça dawiyê kiribû.