Li gorî daxuyaniyeke Hikûmeta Herêma Kurdistanê, Serokwezîr Mesrûr Barzanî îro 9ê Îkonê pêşwazî li Balyozê Azerbaycanê li Iraqê Nasir Memmedov kir.

Di civînê de, Balyozê Azerbaycanê silavên Serokomarê Azerbaycanê gihandin Serokwezîr Mesrûr Barzanî û ew vexwand Lûtkeya Cîhanî ya Keşûhewayê (COP29).

Lûtkeya Keşûhewayê ya Cîhanî ya îsal (COP29) dê di navbera 11-22 Mijdarê de li bajarê Baku yê Azerbaycanê were lidarxistin.

Di hevdîtinê de, pêşxistina pêwendiyên dualî di warên cuda de, pêngavên vekirina konsulxaneya giştî ya wî welatî û destpêkirina geştên asmanî yên rasterast di navbera Baku û Hewlêrê de hate gotûbêjkirin.

Serokwezîr Mesrûr Barzanî daxwaza Herêma Kurdistanê ji bo bihêzkirina pêwendiyên digel Komara Azerbaycanê tekez kir.