Serokwezîr Mesrûr Barzanî peyameke pîrozbahiyê li hejmara xwe tora civakî belav kir û tê de got: “Rêz û pêzanîna me ya mezin ji bo xebat, têkoşîn û rola berbelav ya jina Kurdistanê di dîroka gelê Kurdistanê de heye, ku hertim nimûneya nîştimanperwerî, azayetî, fedakarî û qurbanîdanê bûye.”

Serokwezîr Mesrûr Barzanî dibêje: “Cihê dilxweşiyê ye ku îro roleke berçav û aktîv ya jinên Herêma Kurdistanê di saziyên Herêma Kurdistanê de hene û em pabend in ku zêdetir derfetên wekhev ji bo jinên Kurdistanê dabîn bikin, rêje û asta beşdarbûna wan di warên curbicur ên rêveberiyê de zêde bikin, herwiha rûbirûyî her cure tundî û cudakariya li ser jinan bibin.”

Serokwezîrê Herêma Kurdistanê di dawiya peyama xwe de got: “8ê Adarê pîroz be û hêviya pêşkeftinên zêdetir ji bo jinên Kurdistanê dixwazim.”