Serokwezîr Mesrûr Barzanî peyamek li hejmara xwe ya tora civakî “X” belav kir û tê de nivîsî: “Ez pîrozbahiyê li birêz Mesûd Pizîşkiyan dikin, bi boneya hilbijartina wî wek serokomarê nû yê Komara Îslamî ya Îranê.”

Serokwezîr Mesrûr Barzanî amaje bi wê jî kir, “Îran cîraneke girîng a Herêma Kurdistanê û Iraqê ye.”

Tekez kir jî, “Hêvîdar im li ser binemaya cîrantî, rêzgirtin û berjewendiyên hevpar, hevahengiya di navbera me de kûrtir bibe.”

Encamên gera duyem a hilbijartinên pêşwext ên Îranê îro 6ê Tîrmehê hatibûn ragihandin û Mesûd Pizîşkiyan wek serokkomarê nû yê Îranê hat hilbijartin.

Mesûd Pizîşkiyan, roja 29’ê Îlona 1954’an de li Mehabadê jidayîk bûye. Ew pisporê neştergeriyê ye, ji 2001 – 2005an Wezîrê Tenduristiyê bû, 5 xulan parlamenter bû û 2016 – 2020ê Cîgirê Serokê Parlamentoyê bû.