Serokwezîr Mesrûr Barzanî îro 16ê Tebaxê, xwendekarên yekem ên pola 12 ya amadeyî ya Kurdistanê ya sala xwendinê ya 2022-2023 xelat dike.

Merasîm îro demjimêr 11:00ê bi amadebûna Wezîrê Perwerde yê Hikûmeta Herêma Kurdistanê Alan Hema Seîd û malbatên xwendekarên yekem tê lidarxistin.

Roja 03.06.2023an xula yekem a ezmûnên giştî yên pola 12 a amadeyî li her sê beşan zanistî, wêje û pîşeyî dest pê kir û heya roja 27ê Hezîranê berdewam kir.

117 hezar û 364 xwendekar ketin beşdarî ezmûnan bûn; Di beşa zanistê de 75 hezar û 239, di beşa wêjeyê de 39 hezar û 113 û di beşa pîşeyî de jî 3 hezar û 12 xwendekar.

Wezareta Perwerdê ya Hikûmeta Herêma Kurdistanê roja 3ê Tîrmehê encamên xula yekem a ezmûnên pola 12an eşkere kir. Serokwezîrê Herêma Kurdistanê Mesrûr Barzanî bi riya kurtenameyekê mizgîna serkeftinê da xwendekarên yekem ên ezmûn wezaretê.