Zahî Xelfan Temîm ragihand ku "Avakirina serxwebûna dewleta Kurdistanê pêwîstiyeke dîrokî ye ku rewşa mirovî ya kurdan wê yekê dixwaze. Gelê Kurdistanê ji reftara xirab a deweltên cîran, Îran, Iraq, Sûriye û Tirkiyeyê hêjatir û qedirbilindtir e. Serxwebûna Kurdistanê hêz û quweteke din dibexşe deverê. Ew gel hêjayê serxwebûnê ji wan dewletan e ku bi demekê dirêj zilm lê kirine".

Herwiha Temîm di berdewamiya nivîsên xwe yên li ser Twitterê de weke amajedan bi rola Fermandeyê Supaya Quds a ser bi Supaya Pasdaran a Îranê Qasim Silêmanî li Iraqê dike û dibêje divê Silêmanî ji Kurdistanê were dûrxistin. Temîm dibêje: "Serxwebûna Kurdistanê ji vîna (îradeya) gelê Kurdistanê ye û Silêmanî nikare li hermberî wê bisekine, dema ku gel ji serxwebûnê re bêje, Erê".