Sînorê gundê Gelale yê ser bi qezaya Mawet a parêzgeha Silêmaniyê, îro sêşemê 2ê Gulana 2023an, bi dronan hat bombebarankirin.

Qaymeqamê Qezaya Mawet Kameran Hesen li ser vê mijarê ji Kurdistan24ê re ragihand, îro di demjimêr 11:10 xulekan de sînorê gundê Gelale bi dronan hat bombebarankirin.

Kameran Hesen eşkere kir, dronên Tirkiyê du caran her du çiyayên Jajolan û Baskê Qelê yên li gundê Gelale yê ser bi qezaya Mawet a parêzgeha Silêmaniyê bombebaran kirin.

Herwiha diyar kir ku ji ber bombebaranê ti ziyaneke giyanî li welatiyên sivîl derneketiye holê.