Grûpa Emşatê û Grûpa Hemzatê di nav Îtilafa Sûriyeyê de hêzên çekdarî yên mezin in.

Navê wan Artêşa Niştimaniya Sûriyeyê ye lê ala Tirkiyeyê li ser serdilk û milên wan e.

Wezareta Xezîneyê ya Amerîkayê grûpa Siltan Silêman Şahê ya bi fermandariya Mihemed el-Casim Ebû Emşe û Grûpa Hemzatê ya bi fermandariya Seyf Bolad Ebû Bekir xistine lîsteya sizayan.

Her du grûpên çekdar bi sedema binpêkirinên wan ên li dijî Kurdên Efrînê hatin sizadan.

Berpirsê Pêwendiyên Hevpeymaniya Niştimanî Abdîn Reşo ku siyasetmedarekî Efrînî ye bû mêvanê Podcastê.

"Destpêka hilweşîna wan e"

Abdîn Reşo got, “Cezakirina wan her du grûpan destpêka hilweşîna wan e.”

Kordînatorê Komîteya Şopandina Rastiyan a Bakurê Sûriyeyê Cîger Hisên jî got ku pêwîst ê civaka navdewletî grûpên çekdar bixe lîstaya terorê.

Piştî derçûna biryara Wezareta Xezîneyê ya Amerîkayê, di mitîngekê de Fermandarê Emşatê li pêş çekdarên xwe, bi berdana guleyan heqaret li Amerîkayê kir.

Herwiha melayek jî li Efrînê li kêleka Ebû Emşe di mitîngê de axivî û got, “Li cem me ti qîmetê biryara Amerîkayê nîne.”