Pispora di Amnestyê de Diana Saman li Beyrûtê di konferanseke rojnamevanî de ragihand, çekdarên opozîsyonê jî di ber kiryarên revandina welatiyan, dizî û talankirina mal û milkên Efrînê de berpirsyar in.

Diana Saman daxwaz ji Tirkiyê kir, fişarê li grûpên çekdar ên ser bi wê ve bike û binpêkirinên wan ên li dijî yasayên navdeweletî rawestîne û gerentiya selametiya sivîlan bike.

Artêşa Tirkiyê û grûpên çekdar ên opozîsyona Sûriyê yên Tirkiyê piştevaniya wan dike di 18ê Adara bûrî derbasî Efrînê bûn û dagîr kirin, ji wê demê ve jî revandin û eşkencedana welatiyan, dizî û talankirina mal û milkên xelkê, şewitandina dar û daristanan berdewam e.

Herwiha daxwaz daxwaz ji hikûmeta Sûriyê kir jî, eşkenceyê girtiyan rawestîne û çarenivîsa bi dehan hezaran girtiyên di zîndanên wê de aşkere bike û termên kesên canê xwe jidest dane radestî malbatên wan bike.

Rêxistina Lêborîna Navdewletî (Amnesty) berî 2 mehan jî di raporteke xwe de ragihandibû, Tirkiye li Efrînê hêzeke dagîrker e û ew di ber parastina jiyana welatiyan berpirsyar e û divê pabendî yasayên navdewletî bibe.