Artêşa Tirkiyê gundê Ebû Nîtûte Eyn Îsa topbaran kir, di encama topbaranê de sê kes birîndar bûn.

Çavkaniyên xwecihî belav kirine ku Artêşa Tirkiyê û grûpên çekdar gundê Ebû Nîtûte yê Eyn Îsayê topbaran kiriye û di encamê de sê kes bi navên, Ebdulezîz Yûsif, Salih Taha û Basil Ubêd birîndar bûne, ji bo nexweşxaneyê hatine veguhastin.

Ji aliyekî din her şeva bûrî, Encûmena Leşkerî ya Minbic ragihandiye ku Artêşa Tirkiyê û grûpên çekdar ser bi wê ve, bi tundî herdû gundên Hemra û Boxazê li gundewarê rojavayê Minbic topbaran kirine, lê ti zanyarî derbarê ziyanan belav nekiriye. Li gor zanyariyan, zêdetir ji 10 topan li herdû gundan ketine xwarê.