Medyaya nêzîkî Hêzên Sûriyeya Demorkatîk û Rêveberiya Xweser a Rojavayê Kurdistanê ragihandiye, firokeyên şer ên Tirkiyê îro baregeha hêzên YATê û Hevpeymaniya Navdewletî bombebaran kirine.

Li gor heman çavkaniyan, di êrişê de "baregeheke hevbeş a hêzên YATê û hêzên Hevpeymaniya Navneteweyî ya li bakurê Hesekê" hatiye armanckirin.

Li gor zanyariyên destpêkê di êrîşê de 2 endamên YATê canê xwe ji dest dane û 3 endamên wê hêzê jî birîndar bûne.

HSDê û Rêveberiya Xweser derbarê êrîşê de hêj ti daxuyanî nedane.

Hevpeymaniya Navdewletî ya Dijî DAIŞê jî hêj ti agahiyek li ser êrîşê belav nekiriye.