Hêzên Hevpeymaniya Navdewletî duhî bi Hêzên Sûriyeya Demokratîk (HSD) re gereke hevbeş li gundên rojhilatê bajarê Qamişlo pêk anî.

Hêzên Hevpeymaniya Navdewletî gereke leşkerî ya asayî ku ji 5 tankên Bradley, du firokeyan û otombîleke leşkerî ya “HSD” pêk dihat, ji binkeya Rimêlanê dest pê kiribû û li gundên herêmê geriyan û piştre vegeriyan Rimêlanê.

Di vê derbarê de, Hevpeymaniya Navdewletî ya li dijî DAIŞê (DAIŞ) di twîteke de ragihand, gerên hevbeş ên di navbera wan û HSDê de belgeyek e pabendbûna wê bi peydakirina aramiyê li bakurê rojhilatê Sûriyê û rûbirûbûna DAIŞê li herêmê nîşan dide.

Destnîşan kir jî, ew ê ji bo jinavbirina DAIŞê û bihêzkirina aramiya herêmê, ew ê ligel HSDê wek hevkar bimînin.

Piştî êrîşên Tirkiyê yên li ser Rojavayê Kurdistanê û herêmên di bin kontrola HSDê de, HSDê operasyonên xwe yên ligel Hevpeymaniya Navdewletî rawestand, lê ji 12ê vê mehê ve dîsa dest bi gerên hevbeş kirin.