Navenda Ragihandinê ya HSDê di daxuyaniyekê de ragihand, şeva Sêşembê 27ê Îlonê gundê Mişêrfe yê ser bi bajarokê Zirganê li nêzîk bajarokê Til Temirê ji aliyê hêzên Tirkiyê û komên çekdar ên ser bi wî welatî ve hatiye topbarankirin û di encama topbaranê de 2 kesan canê xwe ji dest dane û 5 kesên din jî birîndar bûne.

HSDê navên kesên di topbarana Tirkiyê de canê xwe ji dest dane aşkere kiriye û daye xuyakirin, her yek ji Nayif Ebdulqadir û Rîma Ehmed canê xwe ji dest dane.

Li gor daxuyaniya HSDê, herwiha her yek ji Rehef Qetaf, Hecaa Heyawî, Codî Heyawî, Dinya Heyawî û Fayiz Heyawî di topbarana gundê Mişêrfe de birîndar bûne û bo nexweşxaneya Dirbêsiyê hatine şandin.