Hêzên Sûriyeya Demokratîk (HSD) bîlançoya êrîşên Tirkiyê bo ser Rojavayê Kurdistanê yên di 24 demjimêrên bihorî de aşkere kir. Li gor HSDê, 6 caran bi êrîşên esmanî û 590 caran bi topxaneyê navçeyên Rojavayê Kurdistanê ji aliyê Tirkiyê ve hatine armanckirin û di encamê de 2 leşkerên Sûriyê, 2 karmendên hikûmetê û 2 endamên Yekîneyên Antî Terorê (YAT) bi giştî 6 kesan canê xwe ji dest dan.

HSD di daxuyaniya xwe de dibêje, ew 3 roj in ku êrîşên topxane û firoke û dronên Tirkiyê bo ser Rojavayê Kurdistanê berdewam in. HSD dibêje, Artêşa Tirkiyê bi wan êrişan kargeh û avahiyên stratejîk, nexweşxane, bîrên petrolê, mal û milkên welatiyan dike armanc.

Li gor daxuyaniyê, artêşa Tirkiyê di nava 24 demjimêrên bihorî de 6 caran bi firokeyên cengî û 6 caran bi dronan êrîş pêk anîne, herwiha 82 caran bi çekên giran, tank û moşekan êrîş kiriye ku 590 guleyên topê li herêmê ketine, 45 cih di nav de nexweşxane, stasyonên sotemeniyê û bîrên petrolê rastî êrîşê hatine.

HSDê herwiha ragihandiye, artêşa Tirkiyê carekê li gundê Tatmeraş ê başûrê Efrînê çeka kîmyayî bikar aniye.

Bîlançoya ku HSDê belav kiriye, bi vî awayî ye:

Herêmên Sehbayê

Hejmara topbarana bi tank û topavêjan : 43 caran ku tê de zêdetirî 36 gund û cih hatin hedefgirtin.

Hejmara topên li herêmê ketine : 570 top.

Herêmên ku bi çekên giran û moşekan hatine hedefgirtin wiha ne; Şêx Îsa, Zîwan, Herbil, rêya Ehrezê, Til Medîq, Minix, Bêlûniyê, Bendava Şehbayê, Til Çîçan, Til Enab, Wehşiyê, Kefer Naya, Semuqa û balafirgeha Minbixê.

Hejmara qurbanan: 2 endamên hêzên hikumeta Şamê jiyana xwe ji dest dan.

Hejmara birîndaran: 2 endamên hêzên hikumeta Şamê.

Kobanî

Hejmara êrişên balafirên şer: yek li dijî navenda Kobanê.

Hejmara hedefgirtina bejahî: 9.

Herêmên hatine topbarankirin: Sêlim, Kul Tepe, Siftik, Qeremox, navenda tenduristiyê ya Qeremoxê, Zormixar, Cargelî û dibistana Goran.

Başûrê Efrînî:

Hejmara topbaranê: 16

Hejmara topan: 20

Hejmara qurbanan: Endamekî hêzên hikumeta Şamê jiyana xwe ji dest da.

Gundên hatine topbarankirin: Bênê-Ibîn, Miyase, herêma di navbera gundên Birc Qasê û Miyase, derdora baregeha Îranê li gundê Bênê, Îrşadiyê, Elqemiyê, Malikiyê, Şewarxe, Merenaz, stasyona sotemeniyê ya Elqemiyê.

Minbic

Hejmara êrişan: 2.

Gundên hatine topbarankirin; Mehsenlî, Hûşeriyê. Balafirên bê mirov li asîmanê rojhilat, rojava û bakurê Minbicê geriyan.

Heseke

Hejmara êrişên balafirên bê mirovn: 3. Yek li dijî baregeha hevbeş a YAT û Koalîsyona Navneteweyî û du li dijî gundê Oce.

Hejmara topbarana bi topavê, tank û moşekan: 2.

Herêmên hatine hedefgirtin: Baregeha hevbeş a YAT û Koalîsyona Navneteweyî, gundewarên Til Temir, Zirgan û Um El Xêr.

2 şervanên YATê.

3 şervanên YATê birîndar bûne.

Qamişlo

Hejmara êrişên balafirên bê mirovn: 2; yek li dijî zeviyê petrolê yê bi navê Ewde, ya din li nêzî gundê Lîlan ê başûr rojavayê Tirbespiyê.

Hejmara hedefgirtinan: 10

Hejmara birîndaran: endamekî hêzên hikumeta Şamê bi sekvaniyê li nêzî deriyê sînor ê Nisêbîn bi Qamişlo re, jiyana xwe ji dest da.

Herêm û gundên hatine hedefgirtin: Til Zîwan, Gir Dahol, Tokî, Til Kêf, çerxerêya Elî Fero, Rotan û Girkê Şamo.

Gundewarê Dêrezorê:

Hejmara êrişên balafirên şer: 5. Tê de gundê Mekmen ê tenê bi 70 kîlometreyan ji sînor dûr e, hat hedefgirtin.