Li gor Rewangeha Sûrî ya Mafên Mirovan (SOHR), roja 25ê Tebaxê xelkê navçeya el-Izbe yê li rojhilatê Dêre Zorê bîra el-Cebir a neftê ji dest Hêzên Sûriyeya Demokratîk (HSD) derxistine ku rojane 2 hezar bermîl neft berhem dide.

Di 19ê Tebaxê de SOHRê ragihandibû ku xelkê gundê Şinan ê li herêmên di bin destê HSDê de li rojhilatê Dêre Zorê, li dijî binpêkirinên fermandarekî leşkerî li herêmê û li dijî xirabbûna şert û mercên jiyanê û xizmetguzariyê xwepêşandan kirin û xwepêşanderan lastîk şewitandin, rêya sereke ya gund girtin.