Hevserokatiya Giştî ya Rêveberiya Xweser îro 6ê Tîrmehê 2022an di daxuyaniyekê de ragihand, ji ber berjewendiya giştî gefên berdewam ên Tirkiyê, armanckirina sivîlan û jêrxaneyê bi hemû cureyên çekdan û niyaza wê ya dagîrkirina xaka Sûriyê, bi armanca guhartina demografiya herêmê û koçberkirina sivîlan, civîneke awarte hate kirin û hin biryar hatin dayîn.

Rêveberiya Xweser dibêje: Dagîrkeriya Tirkiyê dê rê bide ku komên terorist û tundrew vegerin herêmê û dê bi awayekî rasterast bandore li ser destkeftên bikin ku bi riya xwîna pêkhateyên wê yên resen hatine bidestxistin bike.

Di beşeke din a daxuyaniyê de hatiye: “Piştî ku dewleta Tirkiyê di şerê xwe yê bi riya rêxistinên terorist û tundrew re, li dijî rojhilat û bakurê Sûriyê têk çû, ew niha hewl dide bi awayekî rasterast xaka Sûriyê dagîr bike.”

Li gorî daxuyaniyê, endamên Encûmena Giştî piştî dengdanê, ev biryar dan:

- Ragihandina rewşa awarte li seranserî Bakurê Rojhilatê Sûriyê.

- Ji hemû encûmen, komîte û saziyên Rêveberiya Xweser tê xwastin plana awarta ji bû rûbirûbûna gef û rikberiyan amade bikin.

- Hemû karîn bikevin xizmeta gel ji bo rûbirûbûna her êrîşekê li ser herêmên Rêveberiya Xweser û divê projeyên pêşîne yê encûmenên cibicîkar ên Rêveberiya Xweser, ji bo rûbirûbûna van gefan bin.