Serokê Desteya Parastina Kantona Efrînê Ebdo Ibrahîm îdia kir ku dewleta Tirkiye penaberên Sûriyê weke leşkeran bikar tîne.

Ibrahîm wiha dewam kir: “Dewleta tirkî a dagirker niha li bajarê Babê asê maye. Lewma ciwanên sûrî kom dikin û berê wan didin perwerdê ji bo ku piştre tevlî nava çeteyên mertalên firatê bikin.”

Ebdo Ibrahîm ji ber vê hincetê daxwazê ji penaberên sûrî û kurd dike ku ji Tirkiyê vegerin: “Çûyîna gelê me ya Tirkiyê şaş bû, di vê dema dîrokî de parastina welat ji her tiştî girîngtir e. Dewleta tirkî ev demek e planan dike ku dê çawa ciwanên Sûriyeyê beşdarî çeteyan bike. Em polîtîka Tirkiyê ya li hemberî welatiyên Sûriyeyê şermezar dikin. Pêwîst e ciwanên Sûriyeyê di zûtirîn demê de berê xwe bidin Sûriyê û destkeftiyên xwe ji çeteyan biparêzin.”