Li gorî ajansa ANHAyê, çavkaniyeke haydar diyar kiriye ku şandeya bakurê Sûriyeyê(Rojava) ji Hevserokê Desteya Birêveber a TEV-DEMê Aldar Xelîl, Cîgirê Meclisa Cîbicîkar a Herêma Cezîra Rojava Hesen Ezam, Endamê Heyeta Cîbicîkar a Federasyona Bakurê Sûriyeyê û Birêvebera Komeleya Çandeya Suryanî Elizabet Korye pêk hatiye.

Hat ragihandin ku "herdu aliyan rewşa Sûriyeyê û rola Misirê ya mezin û çalak li herêmê gotûbêj kirine".

Li gorî nûçeyê, "rola Misirê di şermezarkirina dagirkera Tirkiyeyê li kantona Efrînê bi buhayî hatiye nirxandin" û gotûbêj ji bo lidarxistina Kongreya Qahîreyê ya sêyem jî hatine kirin da ku aliyên pêwendîdar diyalog û hevahengiyê bikin.