Rêxistina “Hingaw” îro Duşemê 12ê Îlona 2022an belav kir, kolberê Kurd Rizgar Mihemedzade yê 40 salî şeva 11ê Îlonê dema di karê kolberiyê de bû, li sînorê Banê bi guleyên hêzên ewlehiyê yên Îranê hat kuştin.

Ew rêxistina mafên mirovan dibêje, hêzên ewlehiyê yên Îranê ji mewdayeke nêzîk ve gule li kolberê Kurd Rizgar Mihemedzade reşandine.

Diyar kir jî, termê wî kolberî ji bo nexweşxaneya Selahedîn a bajarê Bane hatiye birin.

Xelkê navçeyên sînorî yên Rojhilatê Kurdistanê ji ber hejariyê, neçar dibin ku karê kolberiyê di navbera Başûr û Rojhilatê Kurdistanê de di rêyên dijwar re bikin, lê gelek caran jî rastî êrîşên hêzên Îranê tên.