Li gorî agahiyên Kurdistanmediayê şandeke Yekîtiya Kurdên Sovyetê serdana PDK-Îyê kir û ji aliyê şandeke bi serpereştiya Sekreterê Giştî yê PDK-Î Mistefa Hicrî ve hat pêşwazîkirin. Şanda Yekîtiya Kurdên Sovyetê diyar kir ku ew piştevaniyê didin kar û xebatên kurdên li Îranê.
Di şanda Yekîtiya Kurdên Sovyetê de Serokê Yekîtiya Civata Azerbaycan û Endamê Yekîtiya Cıvata Kongre ya Kurdên Sovyeta Berê Tahîr Suleyman, Serokê Yekîtiya Civat a Kurdên St. Petersburgê Berzanî Elo, Serokê Komeleya Dostanî ya Kurd û Rûsyayê Mamê Mamo, Endamê Yekîtiya Cıvata Kurdên Kirgizistanê Nûreddîn Elîxan û Endamê Yekîtiya Civat a Kurdên Kazakistanê Rûsilan Elîxanî cih girtin.
Şandê di civîna li gel PDK-Îyê de behsa yekrêziya kurdan kir û piştevaniya xwe ji bo referandûma serxwebûnê ya Herêma Kurdistanê û damezirandina dewleta Kurd ragihand. Şandê her wiha piştgiriya xwe ya ji bo kurdên li Îranê jî anî ziman û behsa divêtiya yekrêzî û yekîtiya gelê kurd kirin.
