Serokê Desteya Veberhênanê Mihemed Şukrî ji ajansa K24ê re got: “Ji dema Kabîneya Nehem a Hikûmeta Herêma Kurdistanê û heta niha, me molet daye nêzîkî 300 projeyên weberhênanê ên sektora taybet ku sermaya wan zêdetirî 14 milyar dolar e.”

Got jî: “Li gor bernameya hikûmetê, zêdetir giringî bi sektora pîşesazî hatiye dayîn ku moletên projeyên veberhênanê wergirtin, piştî wê sektora geştyarî û paşê sektora çandinîyê tê.”

Mihemed Şukrî diyar kir: “Me bi rêya van projeyan, rasterast nêzîkî 200 hezar kar peyda kirine û me li kompanya ferz kiriye ku ji sedî 75ê karan ji xelkê me re û ji sedî 25 jî ji bo karkerên biyanî bin.”

Nêzîkî 300 proje di vê kabîneyê de molet wergirtin û zêdetir ji 1612 projeyên veberhênanê hatine pesendkirin û di pêvajoya temamkirinê de ne. Di van projeyan de arasteya Hikûmeta Herêma Kurdistanê ew bû, ku zêdetir giringî bi her sê beşên pîşesazî, çandinî û geştiyariyê bê dayîn.