Hevserokê berê yê HDPê Selahattin Demîrtaş bi boneya cejna Remezanê li ser hesabê xwe yê twitterê peyamek belav kir û cejna tevahiya misilmanên cîhanê pîroz kir.

Selahattin Demîrtaş di peyama xwe de hêviya aştî, azadî û jiyaneke bi tendirustî xwest.

Demîrtaş di peyama xwe de ku ligel wêneyê bav û dayîka xwe belav kiriye bi Kurdiya Kurmancî û Zazakî got: “Cejna we pîroz be. Roşanê şima bimbarek bo.”

Selahattin Demîrtaş di 4ê Mijdara 2016an de li Amedê hate girtin û niha di Girtîgeha Edîrneyê de dimîne.