Di çarçoveya Master Plana Hewlêrê de bi hevahengiya ligel Rêxistina Hasar, heta sala 2030ê zêdetirî 100 milyon daran li Hewlêrê tên çandin.

Wezîrê Şaredarî û Geştûguzariyê Sasan Ewnî duhî 10ê Cotmeha 2022an pêşwaziya Cîgirê Serokê Rêxistina Hasar bo Zanistên, Zeviyan Gaşbîn Îdrîs û Rêveberê Kompanyaya Şamaran, Newzad Îbrahîm kir.

Di civînê de ku şêwirmend Dr. Şarmîn Elî û Rêveberê Giştî yê Nexşedanê Dr. Çiwas Ebdulhadî amade bûn, Wezîrê Şaredarî û Geştûguzariyê Sasan Ewnî bal kişand li ser hewlên Hikûmeta Herêma Kurdistanê yên ji bo zêdekirina şînahiya bi rêya çandina daran û çêkirina kemberên kesk li Hewlêrê. Tekez jî kir ku hikûmet li gorî plana xwe, kar ji bo zêdekirina rêjeya keskayê li Hewlêr û Herêma Kurdistanê dike.

Di beşeke din a gotûbêjan de, şanda mêvan pêşniyara cîbicîkirina planeke stratejîk kir ku bi hevahengî li gel Wezareta Şaredarî û Geştûguzariyê û aliyên peywendîdar, dixwazin heta sala 2030î zêdetirî 100 milyon daran li Hewlêrê biçînin.

Wezîrê Şaredarî û Geştûguzariyê Sasan Ewnî jî piştgirî da destpêşxeriya şandê û tekez kir ku ev plan ji bo xizmetkirina Kurdistanê di warê zêdekirina rêjeya keskahiyê û rûbirûbûna guherîna keşûhewayê gelek pêwîst e, bi taybetî çandina daran ku yek ji sembolên sirûşta Kurdistanê ye û ji aliyê hikûmet û Wezareta Şaredarî û Geştûguzar pêwîst be ji bo serkeftina vê plana stratejî, ew ê hevkar bin û ew ê di warê dabînkirina erd di kembera kesk, park û baxçeyên nehatine avakirin de bibin alîkar û dê di heman demê de jî çavdêriya qonaxên cibicîkirina vê plana stratejîk jî bikin.