Li bajarê Wanê ya Bakurê Kurdistanê ku rawestgeheke girîng a balindeyên koçber e bi hatina demsala zivistanê koça flamîngoyan dest pê kiriye û dîmenên balkêş û ciwan derketine holê.

Mamosteyê Beşa Bîyolojî yê Zankoya Yuzuncu Yilê Prof. Dr. Ozdemir Adizel got, “Li parêzgehê berfa destpêkê bariya. Piştî berfê liv û tevgera flamîngoyan jî zêde bû. Filamîngo havînê li Gola Urmiyê dema xwe ya zêdebûnê derbas dikin û bo çend mehan tên dibin mêvanê me.”

Li hewza Gola Wanê werdek û qaz jî di nav de nêzîkî 240 cur balinde dema xwe ya zêdebûn û kurkbûnê li vê derê dimînin.

Mamosteyê Beşa Bîyolojî yê Zankoya Yuzuncu Yilê Prof. Dr. Ozdemir Adizel anî ziman, “Ligel flamîngoyan çûkên wek terî hişk û qazên kovî jî xwe li vê derê digirin. Ji germê hez dikin. Hinek ji wan bo demekê lê hinek ji wan jî her dem li vê derê dimînin.”

Flamîngo û corên din ên balindeyan di mehên biharê de ji Gola Urmiyê ya Rojhilatê Kurdistanê tên Gola Wanê û di meha Mijdarê de ji ber hewaya sar ber bi Efrîkaya Bakur, Asya û Ewropayê koç dikin.